सांगली जिल्ह्यात पुन्हा पावसाचा इशारा
पुढील दोन दिवस मुसळधार सरींचा अंदाज
सांगली : एकीकडे उन्हाची तीव्रता वाढत असताना पुन्हा एकदा पावसाची शक्यता वर्तवण्यात आल्याने शेतकरी चिंतेत आहेत. हवामान विभाग ने सांगली जिल्ह्यासाठी पुढील दोन दिवस पावसाचा इशारा दिला असून, काही ठिकाणी जोरदार ते मुसळधार सरी कोसळण्याची शक्यता वर्तवण्यात आली आहे. गेल्या काही दिवसांपासून वातावरणात ढगाळ स्थिती कायम असून, आता पावसाचा जोर वाढण्याची शक्यता हवामान खात्याने व्यक्त केली आहे.
सांगली जिल्हा तसेच परिसरातील मिरज, तासगाव, कडेगाव आणि जत तालुक्यांमध्ये विशेष सतर्कता बाळगण्याचे आवाहन प्रशासनाकडून करण्यात आले आहे. काही भागांत विजांच्या कडकडाटासह पावसाची शक्यता असल्याने नागरिकांनी खबरदारी घ्यावी, असेही सांगण्यात आले आहे.
अवकाळी पावसामुळे आधीच शेतीचे नुकसान झाले असून, नव्याने होणाऱ्या पावसामुळे शेतकऱ्यांची चिंता वाढली आहे. भाजीपाला, द्राक्षबागा तसेच उस पिकांवर त्याचा परिणाम होण्याची भीती व्यक्त होत आहे.
दरम्यान, शहरातही पावसामुळे काही ठिकाणी पाणी साचण्याची शक्यता असल्याने महापालिकेने नालेसफाई व इतर उपाययोजना सुरू केल्या आहेत. नागरिकांनी अनावश्यक बाहेर पडणे टाळावे आणि प्रशासनाच्या सूचनांचे पालन करावे, असे आवाहन करण्यात आले आहे. परत पाऊस होण्याची शक्यता असल्याने चिंता वाढली आहे.
